Crítica

Outra vez compre dicir que humor o temos todos, bo ou malo; pero humoristas son aqueles que usan o optimismo como ferramenta de expresión.
Non son dos que pensan que se nace para ser unha determinada cousa na vida, senón que estou en que a vida vai facendo que un colla unha peculiar forma de ser.
Pero unha vez que un é quen de contemplar a realidade con mirada diverxente, topando nela recantos que non son oficiais nin doados de ver, se un atopa varias solucións posibles e que é un humorista. E xa non ten marcha atrás e será humorista en calquera actividade.
PACOTI, cando traballabamos xuntos eu lle chamaba así, é un humorista con afección o debuxo e a pintura, e houbo un tempo no que adicou a esta afección moitos esforzos e nos que conseguiu non poucos éxitos, os podedes atopar nas páxinas da mítica revista "CAN SEN DONO" ou nas paredes do MUSEO DE HUMOR; pero polo que fora pasou a ser un humorista que buscaba o seu camiño no teatro e outras actividades.
Pasaron os anos e aquí temos de novo a OTI exercendo de humorista gráfico, e isto nos enche de ledicia porque somos (non sei a que ven este plural maxestático) amigos de PACO e do humor. E as ringleiras de humor gráfico -hoxe tan combatidas e pouco valoradas- precisan de un debuxante de a súa calidade e filosofía, que arrime o ombreiro e comparta as nosas mágoas para axudar a paliar as dos demais.
Recoméndolles pois que vexan detidamente esta exposición e cando rematen lle dean para bens o autor, xa que seguro que xulgarán que os merece, e iso pode animalo a continuar por este camiño tan preciso e tan pouco doado.

Xaquín Marín.